25.09c
Երեվան
ուրբ, հնս 27
Այսօր լրանում է հայ անվանի երգչուհի, ջազի անզուգական վարպետ Տաթեւիկ Հովհաննիսյանի 70-ամյակը։
Երգչուհին այժմ բնակում է ԱՄՆ-ում, որտեղ զբաղվում է երաժշտական գործունեությամբ։ Նա երգում է ամերիկյան, բրազիլական եւ էթնիկ հայկական ջազ, Կոմիտասի, Սայաթ-Նովայի, հայկական ժողովրդական երգերից՝ ջազային մշակումներով։
Ժամանակին Տաթեւիկ Հովհաննիսյանը համարվել է Խորհրդային Միությունում լավագույն ջազային երգչիչներից մեկը։
Նա ծնվել է 1955 թ. հունիսի 3-ին` Երեւանում, երգչուհի Օֆելյա Համբարձումյանի եւ քամանչահար Նորայր Հովհաննիսյանի ընտանիքում։ Սովորել է Սայաթ-Նովայի անվան երաժշտական դպրոցում, ապա՝ Ռոմանոս Մելիքյանի անվան երաժշտական ուսումնարանում։ 1970-ական թվականներին ընդունվել է Հայաստանի պետական էստրադային նվագախումբ։ 1987 թ. նկարահանվել է «Երկխոսություններ» վավերագրական ֆիլմը՝ նրա, Սերգեյ Կուրյոխինի, Լարիսա Դոլինայի եւ այլոց մասնակցությամբ։
Ելույթներ է ունեցել ԱՄՆ-ի, Եվրոպայի, Ավստրալիայի հայտնի միջազգային ջազ փառատոներում։
