Իսրայէլ յայտարարած է, որ չուզեր պատերազմ Լիբանանի մէջ, բայց կրնայ իր հարեւանը «վերադարձնել քարէ դար». այս մասին, ինչպէս գրած է aljazeera.com-ը, Ուաշինկթընի մէջ լրագրողներուն յայտնած է Իսրայէլի պաշտպանութեան նախարար Եոաւ Կալանթը:
«Մենք պատերազմ չենք ուզեր, բայց կը պատրաստուինք իւրաքանչիւր սենարի: «Հըզպալլա» շատ լաւ կը հասկնայ, որ մենք կրնանք հսկայական վնաս հասցնել Լիբանանին, եթէ պատերազմ սկսի: Իսրայէլը կրնայ Լիբանանը վերադարձնել քարէ դար, բայց մենք չենք ուզեր այդ ընել», -ըսած է ան։
Երկու երկրի սահմանին իսրայէլեան ուժերու եւ լիբանանեան «Հըզպալլա» խմբաւորման միջեւ գրեթէ ամենօրեայ ռեժիմով փոխհրաձգութիւն տեղի կ՚ունենայ հոկտեմբեր 7-ին Կազայի հատուածի մէջ իսրայէլապաղեստինեան հակամարտութեան բռնկումէն ետք:
Նոր պատերազմի մտավախութիւնն աճած է այս ամիս, երբ Իսրայէլի վարչապետ Բենիամին Նաթանիահուն յայտարարած է, որ Իսրայէլը կը պատրաստուի «շատ լարուած գործողութեան» Լիբանանի հետ սահմանին։