-3.91c
Երեվան
երկ, հնվ 20
Կազայի հատուածի մէջ հրադադարի մասին համաձայնութեան հասնելէն յետոյ Եէմենի հիւսիսը իշխող հուսիներու «Անսար Ալլա» ռազմաքաղաքական շարժումը յայտարարած է Իսրայէլի պաշտպանութեան նախարարութեան վրայ նոր յարձակում իրականացնելու մասին:
«Մենք ռազմական գործողութիւն իրականացուցած ենք՝ հրթիռային հարուած հասցնելով պաշտպանութեան նախարարութեան բռնագրաւուած Եաֆայի մէջ (Թել Աւիւ. խմբ.)։ «Զուլֆիքար» բարձր ճշգրտութեամբ հրթիռը հասած է թիրախին, հակահրթիռային համակարգերը չեն կարողացած որսալ այն»,- ըսած է հուսիներու ռազմական ներկայացուցիչ Եահիա Սարիան «Ալ Մասիրա» հեռատեսիլային ալիքի եթերով:
Անոր խօսքով՝ հուսիներն իրենց գործողութիւնները կը համակարգեն պաղեստինեան դիմադրութեան հետ՝ հրադադարի մասին համաձայնագիրի կատարման ընթացքին հակառակորդի կողմէ կատարուած ցանկացած խախտման կամ ռազմական սրացման պարագային համապատասխան միջոցներ ձեռնարկելու նպատակով:
Հրադադարի մասին համաձայնագիրը պէտք է ուժի մէջ մտնէ 19 յունուարին՝ տեղական ժամանակով 08:30-ին (Երեւանի ժամանակով 09:30-ին):
