9.09c
Երեվան
չրք, մրտ 12
Հունգարիոյ վարչապետ Վիքթոր Օրպանը եւ արտաքին գործոց նախարար Փեթեր Սիյարթոն ժամանած են Պելկրատ՝ ուժանիւթի անվտանգութեան հարցերու շուրջ Սերպիոյ նախագահ Ալեքսանտր Վուչիչի հետ բանակցութիւններու:
Նշուած է, որ քննարկումներու կեդրոնը եղած են ենթակառուցուածքային նախագիծերու իրականացումն ու ուժանիւթի անվտանգութիւնը՝ «հաշուի առնելով երկու երկիրներու ռազմավարական նշանակութիւնը՝ որպէս տարածաշրջանի առանցքային ուժանիւթային միջանցքներ»:
Օրպանը նշած է, որ Հունգարիան եւ Սերպիան իրենց խնդիրը կը համարեն ապահովել «Թրքական հոսք» կազատարի անվտանգութիւնը, որով կազը Ռուսիայէն կը հասնէ Եւրոպա: Հունգարիոյ կառավարութեան ղեկավարը յիշեցուցած է, որ Ուքրանիան յունուար 1-էն դադրեցուցած է ռուսական կազի տարանցումը Կեդրոնական ու Արեւելեան Եւրոպայի երկրներ, եւ «Թրքական հոսքը» մնացած է միակ կազատարը, որ այդ տարածաշրջանին ուղղակիօրէն վառելիք կը մատակարարէ Ռուսիայէն:
