Հրդեհներու հարցով Ուքրանիան Թուրքիոյ կողքին

Հրդեհներու հարցով Ուքրանիան Թուրքիոյ կողքին

30 Յուլիսին Ուքրանիոյ արտակարգ իրավիճակներու պետական ծառայութեան 2 հրշէջ օդանաւ մեկնած է Թուրքիա՝ մարելու անտառային հրդեհները, որոնք բռնկած են 28 Յուլիսին Անթալիա նահանգի Մանաւգաթ շրջանին մէջ եւ տարածուած Իսթանպուլի, Քայսերիի,  Քոճաէլիի, Ատանայի եւ Իսթանպուլի եւ Իզմիրի նահանգներուն մէջ: Այս մասին կը տեղեկացնէ Ուքրանիոյ արտակարգ իրավիճակներու պետական ծառայութեան կայքը:

Նշուած է, որ Ուքրանիան ապահովման խումբով հրշէջ օդանաւերու երկու անձնակազմ ուղարկած է: Անոնք փորձառու մասնագէտներ են, որոնք արդէն նման աշխատանքու փորձ ունին լեռնային շրջաններու մէջ եւ նախապէս ներգրաւուած եղած են Մոնթենեկրոյի, Իսրայէլի եւ Վրաստանի մէջ լայնածաւալ հրդեհներու մարման աշխատանքներուն:

Հրդեհներու ընդհանուր տարածքը Թուրքիոյ մէջ կազմած է աւելի քան 1500 հա:

Թուրքիոյ գիւղատնտեսութեան եւ անտառտնտեսութեան նախարարութիւնը տեղեկացուցած է, որ թուրք հրշէջները չէզոքացուցած են անտառային հրդեհներու 63 օճախներէն 42-ը:

Թուրքիոյ Անթալիա քաղաքին մէջ եւ անոր շրջակայքը անտառային հրդեհներու հետեւանքով 4 մարդ զոհուած է, աւելի քան 180 մարդ տուժած է: