18.09c
Երեվան
շբթ, հնս 28
Հնդկական Bharat Forge ընկերութիւնը հաստատած է, որ վերջերս ցուցադրուած MArG 155 անիւաւոր ինքնամուղ ռմբընկէցները նախատեսուած են Հայաստանի համար։ Ինչպէս յայտնած է հնդկական Indian Defence Research Wing հարթակը, գործարքը Հնդկաստանի եւ Հայաստանի միջեւ ռազմավարական գործընկերութեան զարգացման մաս կը կազմէ։
MArG 155 մմ-ը կը բնութագրուի որպէս առաջադէմ հրետանային համակարգ, որ յագեցած է 155 մմ 39 տրամաչափի թնդանօթով եւ 4x4 անիւաւար յենման շրջանակով:
Աղբիւրը նկատած է, որ Հնդկաստանը կը դառնայ Հայաստանին պաշտպանական զինամթերքի հիմնական մատակարար։ Ռազմական համագործակցութեան շրջածիրէն ներս 2020 թուականին Հայաստանը Հնդկաստանէն ձեռք բերած է չորս Swati շարժական ռատիոտեղորոշիչ համակարգ, իսկ 2022 թուականի սեպտեմբերին կնքուած է 245 միլիոն տոլարի պայմանագիր Pinaka բազմափողանի հրթիռային կայաններու, հակաթանկային հրթիռներու եւ տարբեր տեսակի զինամթերքի գնման համար։
