14.09c
Երեվան
երկ, ապր 27
Հիւսիսային Քորէայի առաջնորդի առողջական վիճակի մասին մտահոգութիւնները աւելի վաղ տարածուած էին, երբ այդ մասին խօսած էին օտարերկրեայ վերլուծաբանները: Անոնք դեռ Յունիսի սկիզբը նկատած էին, որ 37-ամեայ ղեկավարը զգալիօրէն նիհարցած է:
«Յարգարժան Քիմ Չեն Ընին հիւծուած տեսնելը կը կոտրէ մեր ժողովուրդի սիրտը»,- պետական հեռուստաալիքին տուած հարցազրոյցի ժամանակ ըսած է տեղի բնակիչներէն մէկը, նշելով, որ «բոլորը մտահոգուած են»:
Գործակալութեան հաղորդմամբ՝ վերանշեալ տեսանիւթին մէջ Փհենիանի բնակիչները մեծ պաստառի վրայ կը հետեւին համերգի, որուն ներկայ եղած է նաեւ Քիմ Չենը:
Երբ Քիմ Չեն Ըն մէկ ամիս դադարէ ետք Յունիսին դարձեալ յայտնուած էր հանրութեան առաջ, Հարաւային Քորէայի մէջ գործող NK News-ի վերլուծաբանները ուշադրութիւն հրաւիրած էին այն հանգամանքի վրայ, որ հիւսիսային Քորէայի առաջնորդը աւելի նիհար տեսք ունի, քան անցեալ երեւալուն:
