Համացանցի մէջ տեսանիւթ տարածուած է Տաւուշի մարզի Կիրանցի մէջ տեղի ունեցող քաղաքական արշաւին զինուորական համազգեստով անձանց միանալու վերաբերեալ:
ՀՀ պաշտպանութեան նախարարութեան ռազմական ոստիկանութիւնը միջոցներ ձեռնարկած է զինուորական համազգեստով անձանց ինքնութիւնը պարզելու եւ տարածուող տեղեկատւութեան գնահատական տալու ուղղութեամբ:
Միեւնոյն ժամանակ, ՀՀ պաշտպանութեան նախարարութիւնը զգուշացուցած է, որ ՀՀ զինուած ուժերը քաղաքական գործընթացներու մէջ ներքաշելու որեւէ փորձ պիտի արժանանայ համարժէք իրաւական գնահատականի: