6.09c
Երեվան
երք, մրտ 18
ՀՀ կրթութեան, գիտութեան, մշակոյթի եւ մարմնամարզութեան նախարարութեան ու «Գագիկ Ծառուկեան» բարեգործական հիմնադրամի միջեւ կնքուած է յուշագիր՝ ՀՀ Կոտայքի մարզի Հատիս լերան վրայ նոր յայտնաբերուած ամրոցի հետագայ հնագիտական ուսումնասիրութեան, ամրակայման եւ վերականգնման աշխատանքներու շուրջ համագործակցութեան վերաբերեալ:
ԿԳՄՍ նախարարութեան կողմէ յուշագիրը ստորագրած է նախարարի տեղակալ Ալֆրետ Քոչարեանը, իսկ «Գագիկ Ծառուկեան» հիմնադրամի կողմէ՝ լիազօր ներկայացուցիչ Արայիկ Կոսէեանը:
Յուշագիրը կնքուած է՝ կարեւորելու պատմամշակութային ժառանգութեան արժէքն ու հետագայ սերունդներուն փոխանցելու անհրաժեշտութիւնը, օժանդակելու պատմութեան եւ մշակոյթի յուշարձաններու վերականգնմանն ու օգտագործման:
Նախարարի տեղակալ Ալֆրետ Քոչարեանը վստահութիւն յայտնած է, որ համատեղ գործունէութիւնը պիտի իրականացուի՝ ի շահ յուշարձանի պահպանութեան եւ հանրայնացման: Կողմերը վերահաստատած են յուշագրով սահմանուած պարտականութիւններն իրականացնելու պատրաստակամութիւնը:
