21.09c
Երեվան
չրք, հնս 26
Dubai Mall-ը՝ էմիրութիւններու ամենայայտնի զբօսաշրջային վայրերէն եւ առեւտուրի կեդրոններէն մէկը, պիտի ընդլայնուի:
Ըստ Emaar-ի, որ կը ղեկավարէ առեւտուրի կեդրոնը, համալիրը պիտի ներկայացնէ 240 նոր շքեղ խանութներ, ինչպէս նաեւ՝ սնունդի կէտեր:
«Dubai Mall-ի նոր ընդլայնումը հիանալի լրացում է աշխարհի ամենաշատ այցելուներ ընդունող ուղղութիւններէն մէկու համար: Մենք կ՚ուզենք շնորհակալութիւն յայտնել մեր թանկագին հիւրերուն եւ հաւատարիմ յաճախորդներուն, ինչպէս նաեւ մեր գործընկերներուն, մանրածախ առեւտուրով զբաղողներուն եւ պետական մարմիններուն՝ շարունակական աջակցութեան համար: Այս ընդլայնումը կ՚արտացոլէ Տուպայի՝ համաշխարհային նորարարութեան եւ մշակոյթի առաջնագիծին մնալու յաւակնոտ տեսլականը՝ աւելի ամրապնդելով մեր քաղաքի դիրքը՝ որպէս համաշխարհային առաջատար ուղղութիւն»,-ըսած է Emaar-ի հիմնադիր Մոհամետ Ալապարը:
2023 թուականին մոլը դարձաւ Երկրի վրայ ամենաշատ այցելուող վայրը՝ սահմանելով 105 միլիոն այցելուի նոր մրցանիշ՝ 19 տոկոսով աւելի, քան նախորդ տարի, եւ այս ամէնը՝ զուգորդուած բացառիկ բարձր վաճառքով:
Տուպայի մոլը՝ աշխարհի երկրորդ ամենամեծ առեւտուրի կեդրոնն է, կը զբաղցնէ տպաւորիչ՝ 1,2 միլիոն քառակուսի մեթր տարածք եւ ունի աւելի քան 1200 մանրածախ առեւտուրի կէտեր:
