Սուրբ Ծննդեան նախօրէին Հռոմի պապ Ֆրանչիսկոսը քրիստոնեաներուն կոչ ըրած է Սուրբ Ծնունդը չշփոթելու սպառողականութեան հետ, այլ նշելու Քրիստոսի ծնունդը՝ ըմբոշխնելով անոնց հետ, որոնք մինակ են եւ կարիքի մէջ են:
Վատիկանի Առաքելական պալատի պատուհանէն դիմելով Սուրբ Պետրոսի հրապարակին մէջ հաւաքուածներուն, Ֆրանչիսկոսը շնորհաւորած է «ջերմութեամբ, կապուածութեամբ եւ չափաւորութեամբ» լի տօնի առթիւ:
Սրբազան քահանայապետը հաւատացեալներուն խորհուրդ տուած է զերծ մնալ աւելորդութիւններէ եւ յիշեցուցած է աշխարհով մէկ շարունակուող զինուած հակամարտութիւնները։
«Մենք կը յիշենք մեր եղբայրները, որոնք կը տառապին ռազմական գործողութիւններու հետեւանքներէն:
Մեր միտքերը Պաղեստինի հետ են, Իսրայէլի, Ուքրանիոյ հետ: Կը յիշենք նաեւ անոնց, որոնք կը տառապին աղքատութենէ, սովէ, ստրկութենէ»,-ըսած է ան: