9.09c
Երեվան
ուրբ, հկտ 18
L'Orient-Le Jour-ն անդրադարձել է հայ բեմադրիչի նոր բեմադրությանը, որը համարձակ քայլ է համարվում արաբական աշխարհում` կնոջ խնդիրները բեմ հանելու առումով: Բեմադրիչ, դերասան Ժիրայր Ավետիսյանը «Տիկին Բադիհայի գաղտնիքները» խորագրով մենաներկայացում է բեմադրել արաբ դերասանուհի Նադա Աբու Ֆարհադի մասնակցությամբ, որի առաջնախաղը տեղի է ունեցել երեկ` Բեյրութի «Մետրո Ալ Մադինա» թատրոնում ` «18+» նշագրումով:
Ժիրայր Ավետիսյանը դերասանություն եւ ռեժիսորական արվեստ է սովորել Երեւանում: Ուսանողական տարիներից նրան նկատել է ռեժիսոր Հենրիկ Մալյանը, հրավիրել երիտասարդ դերասանին` նկարահանվելու «Եռանկյունի» ֆիլմում: «Եռանկյունի»-ում Ժիրայր Ավետիսյանը խաղում է Հովիկի ընկերոջ դերը, որ ազդագիր է փակցնում եւ երազում լողալ սովորելու մասին: Ըստ մեր տեղեկությունների, նա խոստումնալից դերասան եւ ռեժիսոր է եղել, սակայն ինչ-ինչ պատճառներով հեռացել է Երեւանից: Լիբանանում Ժիրայր Ավետիսյանը զբաղվում է թատերական արվեստով եւ գեղանկարչությամբ:
