-2.91c
Երեվան
հնգ, փտր 05
Ատրպէյճանի ականազերծման գործակալութեան (ANAMA) աշխատակիցները ձերբակալուած են բռնագրաւուած Արցախի Քաշաթաղի շրջանին մէջ հասարակական կարգը խախտելու համար: Միջադէպը տեղի ունեցած է սեպտեմբեր 11-ին Քաշաթաղի կեդրոնին մէջ: Այս մասին յայտնած են ատրպէյճանական լրատուամիջոցները:
Ճանապարհային ոստիկանութիւնը կեցուցած է ANAMA-ի բաժնի պետ Մամետովի (պայմանական անուն, ազգանուն)՝ 1985 թուականին ծնած, վարած Hyundai Sonata մակնիշի մեքենան: Վարորդը եղած է ոգելից ըմպելիքի ազդեցութեան տակ եւ չէ կապած անվտանգութեան գօտի: Անոր ուղեւորը՝ 31-ամեայ Թ. Կուրպանովը, նոյնպէս եղած է ոգելից ըմպելիքի ազդեցութեան տակ: Անոնք սկսած են աղմկել եւ օգտագործել անպարկեշտ արտայայտութիւններ:
Խախտողներու նկատմամբ կազմուած են վարչական արձանագրութիւններ, եւ Լաչինի շրջանային դատարանը որոշած է 8 օրով վարչական կալանք կիրառել:
