4.09c
Երեվան
չրք, նմբ 06
Օրերս, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան Դամասկոսի մէջ շնորհաւորական այցելութիւն տուած է Սուրիոյ վարչապետ դոկտ. Մուհամմէտ Ղազի ալ-Ճալալիին։
Այս մասին «Արեւելք» կը տեղեկանայ Բերիոյ Թեմի դիմատետրեան էջէն, որ այս մասին կը գրէ՝
Անցնող շաբթուան ընթացքին, Սուրիոյ մայրաքաղաք Դամասկոսի մէջ, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, ազգային պատուիրակութեամբ շնորհաւորական այցելութիւն տուաւ Սուրիոյ վարչապետ դոկտ. Մուհամմէտ Ղազի ալ-Ճալալիին։ Պատուիրակութեան մաս կը կազմէին Սուրիոյ խորհրդարանի երեսփոխաններ, Ազգային վարչութեան եւ Յարաբերական մարմինի անդամներ։
Առաջնորդ Սրբազան Հայրը յանուն թեմի ժողովուրդին եւ ժողովականութեան, շնորհաւորեց Սուրիոյ վարչապետը՝ պատասխանատու պաշտօն ստանձնելուն առիթով եւ համագործակցութեան ոգիով կատարեալ յաջողութիւն եւ արգասաբեր գործունէութիւն մաղթեց, ի խնդիր սուրիական հայրենիքի պայծառացման։
