21.05c
Երեվան
չրք, հնս 10
ՀՀ ԱԺ փոխխօսնակ, «Դիմադրութիւն» շարժման անդամ Իշխան Սաղաթէլեանը իրազեկման երթի ժամանակ պատասխանեց Ատրպէյճանի արտաքին գործոց նախարար Ճեյհուն Պայրամովի այն յայտարարութեան, թէ Հայաստանի մէջ բողոքի եւ անհնազանդութեան գործողութիւններուն, հանրահաւաքներուն կը մասնակցին 5-6 հազար մարդ:
Պայրամովը մեղադրած է հայկական ընդդիմութիւնը, թէ անոնք երկիրը անդունդ կը տանին, ու շեշտած է, թէ գրեթէ 30 տարի կեղծ խոստումներ տուած են հայ ժողովուրդին:
Ան վերահաստատեց, որ ներկայիս իշխանութիւնը երկիրը նոր զիջումներու տանելու մանտաթ չունի: Սաղաթէլեանի խօսքով` իրենց պայքարը յանուն Արցախի, յանուն Հայաստանի, յանուն հայրենիքի եւ յանուն վաղուայ ապագայի է:
ԱԺ «Պատիւ ունեմ» խմբակցութեան ղեկավար Արթուր Վանեցեանը նոյնպէս անդրադարձաւ Ատրպէյճանի արտաքին գործոց նախարարի յայտարարութեան:
«Եթէ Պաքուի եւ Պայրամովի անունները չլսէի, կը մտածէի` Հայաստանի ներկայիս իշխանութիւններն են նման բաներ ասել: Մենք մշտապէս ասում ենք, որ միակողմանի զիջումների չենք գնալու, Հայաստանի տարածքային ամբողջականութիւնը չենք թողնի, որ խախտուի, չենք թողնի, որ Արցախի ժողովուրդն էլ վտանգուած լինի, Արցախն էլ Ատրպէյճանի կազմում լինի: Պարզ է, որ Պաքուն նման բաներ կ'ասէր, նոյնն էլ մեր իշխանութիւններն են ասում», ըսաւ Վանեցեան:
Ան ընդգծեց, որ կասկած չկայ, որ յաջողութիւնը պիտի ըլլայ Հայաստանինը, Արցախինն ու հայ ժողովուրդինը:
