9.09c
Երեվան
հնգ, մրտ 13
Բրիտանական «the Guardian» թերթը 2018-ը որակած է «Մենատէրներու տարի»՝ նկատել տալով, որ գերիշխող եղած են Միացեալ Նահանգներու, Չինաստանի եւ Ռուսիոյ ղեկավարներուն այնպիսի արարքները, որոնք կը սպառնան մոլորակին ապահովութեան եւ կը վտանգեն միլիոնաւոր մարդոց կեանքերը։
Թրամբի նուիրուած բաժինը «Արկածախնդրութիւններ խենթանոցին մէջ» որակելով, թերթը երկրորդական մենատէրներու շարքին անդրադարձած է նաեւ Թուրքիոյ նախագահ Ռեճէպ Թայէպ Էրտողանին՝ յիշեցնելով, որ ան երկիրը դէպի նախագահական համակարգի անցնելու ճանապարհը յաջողութեամբ հարթած է, յաւելեալ ուժ ձեռք բերելով:
Մենատէրներու ցանկին վրայ կան նաեւ Պրազիլի, Վենեզուելլայի, Ֆիլիփինի, Հիւսիսային Քորէայի, Եգիպտոսի եւ Սէուտական Արաբիոյ ղեկավարներուն անունները:
Թերթը կը նշէ, որ իրենց սեփական շահերը ժողովուրդներուն շահերէն վեր դասող այս մենատէրները իսկական վտանգ են ժողովրդավարութեան, կենսոլորտին եւ մարդկային տարրական իրաւունքներուն:
