15.09c
Երեվան
չրք, ապր 29
Նոյեմբեր 23-ին, մօտ 2 տարի պաշտօնավարելէ ետք, կը դադարիմ զբաղցնելէ Արցախի Հանրապետութեան Տարածքային կառավարման եւ ենթակառուցուածքներու նախարարի պաշտօնը: Այս մասին դիմատետրեան իր էջին գրած է Արցախի Տարածքային կառավարման եւ ենթակառուցուածքներու նախարար Հայկ Խանումեան:
«Արցախում կառավարութեան նոր կազմ է ձեւաւորւում, որի մէջ ես չեմ լինի: Կառավարութիւնն Արցախում ամենակազմակերպուած մարմինն է եւ այն զգում է բոլորիս աջակցութեան կարիքը: Արցախի կառավարութեան ձախողումը, անկախ կազմից, կարող է ճակատագրական լինել ամբողջ հայութեան համար: Հետեւաբար Արցախի կառավարութիւնը կարիք ունի ամբողջ հայութեան աջակցութեանը:
Շնորհակալութիւն եմ յայտնում ԱՀ նախագահին եւ կառավարութեան գործընկերներին՝ համատեղ աշխատանքի համար:
Երախտապարտ եմ նախարարութեան եւ ենթակայ կառոյցների բոլոր աշխատակիցներին ճգնաժամային ու վերականգնման ժամանակաշրջանում այս ծանր բեռն իրենց ուսերին կրելու համար: Մենք աշխատել ենք՝ առանց ուշադրութիւն դարձնելու բազմաթիւ յարձակումներին, անարդար թիրախաւորմանը, նախարարի ու նախարարութեան դէմ կազմակերպուած արշաւներին, իրենց պետական ինստիտուտների տեղ դրած թայֆաների կողմից ստեղծուած շինծու քրէական գործերին:
Շարունակում եմ գործել յանուն մեծ նպատակի՝ ուղղուած Արցախը հայկական սուվերենութեան (ինքնիշխաութեան) ներքոյ պահելուն»,- գրած է Խանումեան:
