1.09c
Երեվան
չրք, փտր 05
Մենք կը ստեղծենք անվտանգային համակարգ մը, որու առաջին գիծին վրայ բանակը չէ: Այս մասին ԱԺ-ի մէջ յայտարարած է Նիկոլ Փաշինեան:
«Բանակից առաջ կան բուֆեռներ (արգելակ), դրանցից են օրինակ տնտեսական փոխկախուածութիւնները, որից առաջ կայ ուրիշ բուֆեռ՝ միջազգային կանոնները, որի ոտնահարումներից բողոքում են բոլորը: Բայց, եթէ բոլորն ամենուր բողոքում են դրա ոտնահարումներից, նշանակում է այդ կանոններին հաւատարիմ լինելը դրական գործելակերպ է, եւ այդ գործելակերպը ձեւաւորում է եւս մէկ բուֆեռ: Այս պայմաններում է, որ ուժեղ բանակ ունենալու օրակարգը կարող է լինել լեգիտիմ (օրինական), արդարացուած եւ ապահովել անվտանգութիւնը»,- ըսած է ան:
Փաշինեան անդրադարձած է նաեւ արտագաղթի թեմային եւ անոր պատճառներուն:
«Արտագաղթի համար մենք բերում ենք տարբեր պատճառներ սկսած՝ սոցիալական (ընկերային), իրաւական անարդարութիւններից մինչեւ բիզնես միջավայր եւ այլն: Այս բոլոր պատճառները, լինելով ճշմարիտ, պատճառների մաքսիմում (առաւելագոյն) 10-15 տոկսն են: Եկէք խոստովանենք, որ արտագաղթի պատճառները 90 տոկոսով կապուած են մեր վարած տարածաշրջանային քաղաքականութեան հետ, արտագաղթի հիմնական պատճառը մեր կոնֆլիկտային (հակամարտութիւն) յարաբերութիւններն են մեր միջավայրի հետ»,- ըսած է Նիկոլ Փաշինեան:
