4.09c
Երեվան
ուրբ, փտր 27
Յայտարարութիւններ կը հնչեն, որոնք հիմք կու տան մտածելու, որ Թուրքիան աւելի շատ շահագրգռուած է Հայաստանի տարածքով արտատարածքային միջանցք բանալու հարցով, քան Ատրպէյճանը։ Այս մասին 20 հոկտեմբերին կայացած ճեպազրոյցի ժամանակ ըսած է Հայաստանի արտաքին գործոց նախարար Արարատ Միրզոյեանը։
Ան նշած է, որ 4 հանդիպումներու ընթացքին Հայաստանի եւ Թուրքիոյ յատուկ բանագնացները առարկայական բանակցութիւններ վարած են դիւանագիտական յարաբերութիւններու հաստատման եւ սահմաններու բացման շուրջ, որոնք փակուած են Թուրքիոյ կողմէ։
Միրզոյեան յիշեցուցած է Անթալիոյ եւ Փրակի մէջ Թուրքիոյ արտաքին գործոց նախարարութեան ղեկավարի, ինչպէս նաեւ պետութիւններու ղեկավարներու հետ ունեցած հանդիպումները։
«Գործընթացը դրական կը համարեմ։ Յենանիշը դիւանագիտական յարաբերութիւններու հաստատումն ու սահմաններու բացումն է։
Միաժամանակ մեր թուրք զրուցակիցները այս գործընթացը պէտք է աւելի քիչ կապեն հայ-ատրպէյճանական բանակցային գործընթացի հետ։
Ընդհակառակը, անոնք պէտք է գիտակցին, որ հայ-թրքական երկխօսութեան յաջողութիւնը կրնայ դրական ազդեցութիւն ունենալ հայ-ատրպէյճանական բանակցային գործընթացի վրայ»,- ընդգծած է նախարարը։
