33.09c
Երեվան
շբթ, հլս 27
Միացեալ Նահանգները յայտարարած է Ուքրանիոյ 175 միլիոն տոլարի նոր ռազմական օգնութեան փաթեթի յատկացման մասին եւ նախազգուշացուցած է, որ այն կրնայ վերջիններէն մէկը ըլլալ, եթէ Միացեալ Նահանգներու Քոնկրեսը հաւանութիւն չտայ ֆինանսաւորման շարունակման։ Այս մասին ըսուած է Միացեալ Նահանգներու արտաքին գործոց նախարար Էնթընի Պլինքընի յայտարարութեան մէջ։
Պլինքըն նշած է, որ ուքրանացիները պիտի ստատան հակաօդային պաշտպանութեան (ՀՕՊ) համակարգերու, HIMARS բարձր շարժունակութեամբ համազարկային կրակի հակազդող համակարգերու ու հրետանիի համար նախատեսուած զինամթերք, ինչպէս նաեւ HARM հակառատարային օդային հրթիռներ։
«Եթէ Քոնկրեսը հաւանութիւն չտայ ազգային անվտանգութեան յաւելեալ ֆինանսաւորում յատկացնելու վերաբերեալ նախագահի խնդրանքին, այդ կ՚ըլլայ պաշտպանութեան ոլորտի մէջ աջակցութեան վերջին փաթեթներէն մէկը, որ մենք կը տրամադրենք Ուքրանիոյ»,- յայտարարած է Պլինքըն։
Փենթակոնի պահեստներէն Ուքրանիոյ յատկացուող մատակարարումները կը ներառեն նաեւ հակաթանկային հրթիռներ, հրազէնային սպառազինութիւններ, ճարտարապետական զինամթերք, կարեւոր ենթակառուցուածքներու պաշտպանութեան համար նախատեսուած սարքաւորումներ եւ այլն:
