3.09c
Երեվան
ուրբ, փտր 13
«Ֆորբս» հանդեսը հրապարակել է ԱՄՆ-ի 250 մեծագույն նորարարների նոր վարկանշային աղյուսակը, որի առաջին հորիզոնականներում հայտնվել են Իլոն Մասկը, Ջեֆ Բեզոսը և Բիլ Գեյթսը:
Ցուցակի առաջին հորիզոնականը զբաղեցրած Իլոն Մասկը, ըստ «Ֆորբս»-ի, պատմության մեջ միակ մարդն է, ում հաջողվել է հիմնադրել և զարգացնել հինգ բազմամիլիարդանոց ընկերություն տարբեր ոլորտներում։
Երկրորդ տեղում հաստատված Ջեֆ Բեզոսը գնահատվել է որպես մարդ, ով «հիմնովին փոխեց ամերիկյան մանրածախ առևտրի դեմքը»։ Բեզոսը դարձավ ամպային հաշվարկների ռահվիրան, ինչը հիմք հանդիսացավ ժամանակակից համացանցի աշխատանքի համար։
Լավագույն եռյակը եզրափակում է Microsoft-ի հիմնադիր Բիլ Գեյթսը: «Ֆորբս»-ն ընդգծում է նրա անցումը տեխնոլոգիական ոլորտից դեպի բարձր արդյունավետությամբ բարեգործություն: Կիրառելով տվյալների վրա հիմնված ռազմավարություններ՝ Գեյթսը զգալի ներդրում է ունեցել համաշխարհային առողջապահության ոլորտում, մասնավորապես՝ Հնդկաստանում պոլիոմիելիտի վերացման գործում:
