14.09c
Երեվան
շբթ, սպտ 12
Թուրքիոյ մէջ վերջին ամիսներու ընթացքին Եգէականի ու Միջերկրականի ափերուն գտնուող 1300 պանդոկներ վաճառքի հանուած են, որոնց ընդհանուր արժէքը կը կազմէ մօտաւորապէս 10 միլիառ տոլար: Այս մասին կը հաղորդէ «Մարմարա», փոխանցելով, որ Թուրքիոյ արեւելեան նահանգներուն մէջ վերջին ամիսներուն կատարուող զինուորական գոծողութիւնները ու ընդհանրապէս ներքին քաղաքական անկայուն վիճակը մեծ վնաս պատճառած են զբօսաշրջութեան ոլորտին:
Աղբիւրի համաձայն Զբօսաշրջութեան մայրաքաղաք նկատուող Անթալիայի մէջ, զբօսաշրջիկներու մեծ պակաս կը զգացուի, ուր չորս ամիսէ ի վեր մեծ թիւով պանդոկներ իրենց դռները փակ կը պահեն, մինչ վաճառքի հանուած են 410 պանդոկներ, որոնցմէ 120ը՝ հինգաստղանի: Իզմիրի մէջ նոյնպէս վաճառքի հանուած են՝ 203, Այտընի մէջ՝ 160, Պալըքէսիրի մէջ՝ 139 եւ Չանաքքալէի մէջ՝ 35 մեծ ու փոքր պանդոկներ, հիւրանոցներ ու հանգստեան տուներ:
Բացի քաղաքական անկայուն վիճակէն եւ արաւելեան նահանգներու մէջ տիրող հակամարտութիւններէն, զբօսաշրջիկներու թիւի նուազեցման մէջ մեծ ազդեցութիւն ունեցած են Ռուս-թրքական ճգնաժամն ու Սուլթան Համիտի հրապարակին վրայ 12 Յունուարին պատահած պայթումը, որու հետեւանքով ռուս եւ գերմանացի զբօսաշրջիկներու հոսքն ու զբօսաշրջական ընկերութիւններու դէպի Թուրքիա շրջապտոյտերը դադրեցուած են: Կը նշուի նաեւ, որ անվտանգութեան նկատառումներէ ելլելով, Անգլիա եւս կոչ ուղղած է անգլիահպատակներուն վաճառել Թուրքիոյ մէջ իրենց կալուածները եւ հեռանալ երկրէն:
