11.09c
Երեվան
երք, հկտ 13
Թուրքիոյ Շըրնաք նահանգի հանրապետական դատախազութեան կողմէ իրականացուող հետաքննութեան ծիրէն ներս ձերբակալուած քրտամէտ «Ժողովուրդներու դեմոկրատական կուսակցութեան» (HDP) կին պատգամաւոր Նուրսէլ Այտողանի նկատմամբ 103 տարուայ պատժաչափի պահանջով դատավարութիւն բացուած է: Ըստ թրքական «Dogan» լրատուական գործակալութեան` դատախազութեան հրապարակած մեղադրանքը` «Զինուած կազմակերպութեան անդամ» ըլլալն է, 14 անգամ «կազմակերպութեան օգտին քարոզչութիւն իրականացնելը», 2 անգամ «յանցագործն ու յանցագործութիւնը գովել», «Ժողովուրդին թշնամութեան դրդել» եւ «ժողովուրդին օրէնքներուն չենթարկուելու դրելը»:
Կը նշուի, որ գործը ուղարկուած է Տիարպէքիրի դատախազութիւն, քանի որ վերջին յանցագործութիւնը կատարուած է այդ նահանգին մէջ:
Աղբիւրը աւելցուցած է, որ օրեր առաջ տեղի ունեցած մէկ այլ դատավարութեան ծիրէն ներս «զինուած կազմակերպութեան անդամ ըլլալու եւ այդ կազմակերպութեան անունով յանցանք գործելու» յօդուածով Այտողանը արդէն իսկ դատապարտուած է 4 տարի 8 ամիս ազատազրկման:
