14.09c
Երեվան
շբթ, սպտ 12
Շուէտի հայկական ընկերութեան խօսնակ Վահագն Աւետեան յայտարարած է, որ տեղւոյն հայ համայնքը 2016 թ.ին հայկական հարցի առնչութեամբ դիրքորոշում կ'ակնկալէ իր երկրի կառավարութենէն: Այս մասին կը փոխանցէ «Մարմարա» նշելով, որ Շուէտի խորհրդարանը 2010-ին արդէն ճանչցած էր Հայոց Ցեղասպանութիւնը եւ կոչ ուղղած էր կառավարութեան, որպէսզի ան ալ իր հերթին իր դիրքորոշումը հրապարակէ:
«Մարմարա», հաղորդելով Աւետեանի խօսքը, կը նշէ, որ նախկին կառավարութիւնը այդ ուղղութեամբ ոչինչ ըրած էր, սակայն ներկայ կառավարութիւնը յայտնած է, որ այս տարուայ ընթացքին անպայման կարծիք պիտի հրապարակէ այդ ուղղութեամբ: Ան նշած է նաեւ, որ Շուէտի հայ համայնքի ղեկավարութիւնը կը հետեւի այդ գործընթացին եւ հայոց ցեղասպանութեան հարցի հետ կապուած պարբերաբար աշխատանք կը տանի, որուն որպէս արդիւնք 2015-ին երկրի լրատուամիջոցները բազմաթիւ յօդուածներ եւ հարցազրոյցներ հրապարակած են Հայոց Ցեղասպանութեան թէմայով:
Շուէտի հայկական ընկերակցութեան խօսնակը նաեւ դիտել տուած է, որ հայ համայնքի համար կարեւոր հարց է սուրիահայ գաղթականներու խնդիրը, որոնք վերջին տարիներուն մեծ թիւով ապաստանած էին Շուէտ: Շուէտի հայ համայնքը կը փորձէ անոնց օգնել տարբեր տեսակի՝ նիւթական, կրթական, փաստաթղթային եւ այլ հարցերով, ինչպէս նաեւ շաբաթօրեայ կամ կիրակնօրեայ դպրոցներու աշխատանքներ կը կազմակերպուին սուրիահայ երեխաներուն համար:
