25.09c
Երեվան
երկ, հկտ 19
Լիբանանեան «Հըզպալլա» կուսակցութեան ղեկավար դէմքերէն Շէյխ Նայիմ Քասէմի կարծիքով Սէուտական Արաբիան լուրջ տագնապի մը առջեւ է: Քասէմ այս մասին յայտատարած է նշելով, որ Սէուտցիք «փորձեցին Լիբանանի մէջ տագնապ ստեղծել ու իրենք ինկան այդ տագնապին մէջ»:
Ան նաեւ ըսած է, որ «Հըզպալլա» բնականոն հունով մը կը շարունակէ իր աշխատանքները եւ այսօր կուսակցութիւնը դարձած է Լիբանանը միաւորող կարեւորագոյն գործօններէն մին:
Յիշեցնենք, որ Լիբանան կ'ապրի քաղաքական անորոշ դրութիւն մը երկրի վարչապետ Սաատ Հարիրիի մէկ շաբաթ առաջ յայտարարած հրաժարականէն ասդին: Հարիրի ցայսօր եւ առանց յստակ պատճառաբանութիւններ տալու կը մերժէ Պէյրութ վերադառնալ:
Ան իր հրաժարականը տուած էր Ռիատէն:
