16.09c
Երեվան
ուրբ, հկտ 23
Իսրայէլեան «Հաարէթց» թերթը, վկայակոչելով արեւմտեան հաւաստի աղբիւր մը, յայտնած է, թէ Ռուսիա Սուրիոյ նախագահ Ասատի անունով Իսրայէլի կառավարութեան յայտնած է, որ վերջինս պատրաստ է ապահովել Կոլանի բարձունքներու մօտակայ շրջաններէն «Հըզպալլա»ի եւ իրանեան ուժերու հեռանալը, շեշտելով, որ վերջին շաբաթներու ընթացքին Դամասկոս եւ Թէլ Աւիւ քանի մը անգամ հաղորդագրութիւններ փոխանակած են միջնորդի միջոցով:
Աղբիւրը դիտել տուած է, որ Ռուսիոյ նախագահ Փութին ճնշում բանեցուցած է Ասատի վրայ, որպէսզի վերջինս նուազագոյնի իջեցէ իրանեան ուժերու քանակը Սուրիոյ մէջ, խուսափելով Իսրայէլի հետ հաւանական ռազմական բախումէ:
Աղբիւրը փոխանցած է նաեւ, որ վերջերս Յորդանան, Ռուսիա եւ ԱՄՆ երկխօսութիւններ իրականացուցած են, որոնց ընթացքին Օման ձգտած է երաշխիքներ ձեռք բերել, որ իրանեան ուժերը պիտի չմօտենան յորդանանեան սահմանին:
