19.09c
Երեվան
կրկ, ապր 26
Սուրիոյ արիւնաքամ պատերազմը կը կը շարունակէ իր ծանր հետեւանքները ձգել Միջին Արեւելքի երբեմնի «հայկական բերդ» որակուած Հալէպին վրայ: «Արեւելք»ի ունեցած տեղեկութիւններով վերջին ամիսներուն մեծ թիւով հայ ընտանիքներ հեռացած են Հալէպէն եւ հասած Գանատա: Մեր աղբիւրները նաեւ կը նշեն, որ «Հայ Տուն» անունով միութիւն մը կը ստանձնէ հալէպահայ ընտանիքներուն փոխադրութիւնը` մինչեւ Մոնթրէալ եւ Թորոնթո: Ըստ մեր ունեցած տեղեկութիւններուն Հալէպէն հեռացումը կ'ըլլայ երկու հանգրուաններով: Առաջին հանգրուանին փափաք յայտնած եւ վերջնականապէս Հալէպը լքել որոշած ընտանիքներու անդամներ կը մեկնին Պէյրութ, ուր կ'ընդունին տեղի գանատական դեսպանատան կողմէ, եւ ապա շուրջ 3 ամիս տեւող թղթատարական գործերու աւարտէն ետք յատուկ արտօնութիւն կը ստանան Գանատա մուտք գործելու, եւ ժամանակ մը վերջ լեզու չիմացողները կը սկսին հետեւիլ յատուկ դասընթացքներու: Կը տեղեկանանք նաեւ, որ Գանատա հասնելու ծախսերը վճարելու կարողութիւն չունեցող հայ անհատները իրենց բաժին ինկած գումարը կը վճարեն աւելի ուշ: Մեր աղբիւրներուն համաձայն, անցնող օրերուն հալէպահայութեան տարբեր շրջանակներու մօտ երկրէն հեռանալու երեւելի միտումներ կան:
