19.09c
Երեվան
ուրբ, մյս 15
Ժորժ Քեփենեկեան ֆրանսական Լիոն քաղաքի նոր քաղաքապետն է: Լիոնի քաղաքային խորհուրդը այդ պաշտօնին համար ընտրած է հայ թեկնածուն: Խորհուրդի 72 անդամէն անոր թեկնածութեան օգտին քուէարկած են 49 անդամներ: Այսպիսով 67-ամեայ հայ գործիչը յաջորդեց Լիոնը 2001 թուականէն ղեկավարած Ժերար Կոլոմին, որ Ֆրանսայի նոր ձեւաւորուած կառավարութեան մէջ արդէն նշանակուած է Ներքին գործոց նախարար: Ըստ կարգ մը աղբիւրներու Լիոնի քաղաքապետի պաշտօնը զբաղեցնելու համար Քեփենեկեանի թեկնածութիւնը առաջադրած էր Կոլոմը: Հայազգի քաղաքապետը 2014-էն Կոլոմի մշակութային եւ խոշոր միջոցառումներու հարցերով առաջին տեղակալն էր: Ան աշխոյժ ներդրում ունեցած է Լիոնի զարգացման գործին: Ժորժ Քեփենեկեան ներգրաւուած եղած է նաեւ Հայոց Ցեղասպանութեան ճանաչման գործընթացին մէջ:
