11.09c
Երեվան
երք, հկտ 13
Թուրքիոյ արտաքին գործոց նախարար Մեւլութ Չաւուշօղլուն յայտարարած է, որ Կիպրոսի հիմնախնդրի շուրջ յունական եւ թրքական կողմերու միջեւ բանակցութիւնները պիտի շարունակուին 18 յունուարին՝ գիտարուեստական մակարդակով, կը յայտնէ թրքական «Անատոլու» գործակալութիւնը:
«Բանակցութիւնները պիտի շարունակուին 18 յունուարին եւ նոյն կազմով, պիտի ըլլան ՄԱԿ-ի, կիպրոսեան երկու կողմերու եւ բանակցութիւններու երաշխաւոր երկիրներու ներկայացուցիչները»,- մանրամասնած է Չաւուշօղլու:
Յիշեցնենք, որ օրեր առաջ Ժընեւի մէջ տեղի ունեցան Կիպրոսի հիմնախնդրի շուրջ կղզիի թրքական եւ յունական հատուածներու առաջնորդներու միջեւ բանակցութիւններ: ՄԱԿ-ի նոր գլխաւոր քարտուղար Անթոնիօ Կութերէս ժնեւեան բանակցութիւնները նկարագրած էր որպէս յառաջընթացի «պատմական հնարաւորութիւն»:
Բանակցութիւններու երկրորդ փուլի գործընթացին միացած են Կիպրոսի անվտանգութեան երաշխաւոր երկիրներու՝ Մեծն Բրիտանիոյ, Յունաստանի եւ Թուրքիոյ առաջնորդները:
