30.12c
Երեվան
երկ, հնս 22
Հալէպի «Թէլէֆոն հաուայի» եւ «Սուլայմանիյէ» թաղամասերը այսօր հրթիռարձակման ենթարկուած են: Այս մասին լուրը տուած է լրագրող Քինանա Ալլուշը: Լրագրողը, որ նաեւ իր դիմատետրի էջին դէպքի վայրէն լուսանկարներ տեղադրած է, գրած է, որ խաղաղ բնակիչներու տուներուն վրայ ինկած հրթիռներուն հետեւանքով մարդկային զոհեր չեն գրանցուած:
Նշենք, որ ամիսներէ ի վեր այս առաջին դէպքն է, որ կը գրանցուի Հալէպի մէջ: Կը հաղորդուի նաեւ, որ Սուրիոյ բանակի զօրասիւններ թէժ մարտեր կը մղեն Հալէպի արեւմտեան արուարձաններուն ու յատկապէս Սարաղէպ աւանին մերձ, ուր կը գտնուին ահաբեկիչ զինեալներու կեդրոնատեղիներ:
