14.09c
Երեվան
շբթ, սպտ 12
Ֆրանսայի տարբեր շրջաններէն Լիոն հասած երիտասարդներ, երէկ մասնակցած են կրօնական-երիտասարդական հանդիպման մը: Այս մասին տեղեկութիւնը ստացանք «Արեւելք»ի Լիոնի աղբիւրէն: Մեր աղբիւրը նաեւ յայտնեց, որ հանդիպումը տեղի ունեցած է Ֆրանսայի թեմի առաջնորդ Տ. Վահան Արք. Յովհաննիսեանի նախաձեռնութեամբ եւ նախագահութեամբ: Երիտասարդներուն ընկերակցած են նաեւ իրենց քաղաքներուն մէջ գործող ծխատէր քահանայ հայրերը: Քննարկման նիւթ դարձած են ազգային, եկեղեցական եւ ֆրանսահայ երիտասարդը յուզող ընդհանուր նիւթեր եւ օրակարգեր: Աղօթքով սկիզբ առած հանդիպումը շարունակուած է Լիոնի Սուրբ Յակոբ եկեղեցւոյ կից գտնուող սրահին մէջ:
