7.09c
Երեվան
կրկ, մրտ 22
Եգիպտոսի արտաքին գործոց նախարարութիւնը 2 օգոստոսին յայտարարութիւն տարածած է` անդրադառնալով Թուրքիոյ կողմէն Միջերկրական ծովի արեւելեան հատուածին մէջ հորատման աշխատանքներու շրջածիրէն ներս ծրագրուած երկրաշարժական հետազօտութիւններուն:
Յայտարարութեան մէջ, մասնաւորապէս, ըսուած է, որ Թուրքիոյ այս գործողութիւնները կը խախտեն Գահիրէի ինքնիշխան իրաւունքները: Այս մասին կը գրէ Gazete Karınca պարբերականը:
«Թուրքիան իր երկրաշարժական հետազօտութիւններով կը խախտէ Եգիպտոսի բացառիկ տնտեսական գօտին եւ Գահիրէի ինքնիշխան իրաւունքները»,-ըսուած է յայտարարութեան մէջ:
Երկրաշարժային հետազօտութիւնները կազի հետախուզման նախապատրաստական աշխատանքներէն մէկն է:
Թուրքիոյ յարաբերութիւնները Միջերկրական ծովի արեւելեան հատուածի պետութիւններուն հետ սրուած է իր կողմէն այս երկիրներուն ջրային տարածքներուն մէջ հորատման աշխատանքներ սկսելէն ետք:
