8.09c
Երեվան
երք, հկտ 13
Հալէպի արեւելեան ու արեւմտեան շրջաններն իրար կապող երկաթուղին չորս տարուան դադարէ ետք վերսկսած է գործել: Այս մասին երէկ, 25 Յունուարին յայտնած է Սուրիոյ Երթեւեկութեան նախարար Ալի Համմուտ, կը գրէ «Սանա» լրատուական գործակալութիւնը:
«Հալէպի երկաթուղիին աշխատանքի վերսկսումը արդիւնք է Սուրիոյ բանակի շնորհիւ Հալէպի ազատագրման եւ խաղաղութեան ու անվտանգութեան վերահաստատման»,- յայտարարած է Ալի Համմուտ, աւելցնելով, որ երկաթուղիի վերաբացման որոշումը կայացուած է կառավարական պատուիրակութեան Հալէպ այցելութեան ընթացքին:
Նախարարը նշած է նաեւ, որ Երկաթուղիի ամբողջ երկայնքով կատարուած ականազերծման աշխատանքներուն հետեւանքով հնարաւոր եղած է 330 ականի յայտնաբերումը, որոնք այնտեղ տեղադրուած էին ահաբեկիչներու կողմէ, նպատակ ունենալով երկաթուղին ամբողջութեամբ կործանել:
Յիշեցնենք, որ աւելի շուտ Երթեւեկութեան նախարարը յայտարարած էր նաեւ Հալէպի օդակայանի վերանորոգման աշխատանքներու մեկնարկին մասին:
