11.09c
Երեվան
երք, հկտ 13
Թուրքիոյ մէջ շարք մը հասարակական կազմակերպութիւններու ու միութիւններու նախաձեռնութեամբ ուշագրաւ բողոքի ցոյց կազմակերպուած է: Թրքական «Birgün» թերթի տեղեկացմամբ՝ ցոյցը ուղղուած է իշխող «Արդարութիւն եւ զարգացում» կուսակցութեան (AKP) նախաձեռնած պետական կառավարման ձեւի փոփոխութեան եւ երկրի մէջ բռնապետութեան հաստատման փորձերու դէմ:
Սոցիալական ցանցերու միջոցաւ տարածուած «Ոտքի կ'ելլենք» կոչի շնորհիւ երկրի տարբեր անկիւններուն բազմաթիւ քաղաքացիներ միացած են միջոցառման: 16 յունուարին ժամը 16:00-ին Թուրքիոյ ամբողջ տարածքին մեծ թիւով քաղաքացիներ մէկ վայրկեան ոտքի կանգնած են եւ ոչ ըսած են, իրենց առաջարկուող բռնապետական ռեժիմին:
Միջոցառման Անգարայէն միացած են նաեւ երկրի գլխաւոր ընդդիմադիր ուժը համարուող «Ժողովրդահանրապետական» կուսակցութեան (CHP) պատգամաւորները: Միաժամանակ մասնակիցները ընկերային ցանցերու վրայ #AyağaKalkıyoruz (ոտքի կ'ելլենք) հէշթէկով միջոցառման լուսանկարներ եւ տեսանիւթեր հրապարակած են:
Բողոքի այս իւրատեսակ դրսեւորումը կը շարունակուի նաեւ այսօր՝ 17 յունուարին ժամը 17:00-ին եւ 18 յունուարին՝ ժամը 18:00-ին:
