32.49c
Երեվան
շբթ, օգս 01
Այսօրուայ այս պահը սարքած է, այո, քաղաքական է, կ'ուզեն ճնշում գործադրեն, սպառնան, վախցնեն, լրագրողներու հետ զրոյցի ժամանակ ըսած է ԲՀԿ նախագահ Գագիկ Ծառուկեանը:
«Բայց ես այսօր ձեզի կ'ըսեմ որպէս Ծառուկեան Գագիկ. անբարոյականի տղայ ըլլամ, թէ ետ կանգնիմ: Յարգելի ժողովուրդ, դարձեալ կ'ուզեմ ըսել՝ ամենակարեւորը գիտցէք՝ ինչ ուզեն սարքեն–չսարքեն, «չոռը մարդու չի կպնելու»: Պատրաստ եմ ամէն ինչի, այդ խաչը, այդ վստահութիւնը եղած է հինէն, 15 թուականէն ամէն ինչ առաջարկած են, չեմ համաձայնած: Այսօր ալ առաջարկած են, չեմ համաձայնած: Ես ոչ մէկ բանի կարիք ունիմ: Ամենակարեւորը՝ ով ինչ խօսք տուած է, ինչ պարտաւորութիւն վերցուցած է, պէտք է կատարէ:
Երկու տարի՝ ոչ մէկ բան, բոլորը ձախողած է: Այսօր մարդիկ համապատասխան իրենց տեղերը չեն, անփորձ են, եւ այսօր բոլորը ձախողած է: Այսօր ամէն օր ի վնաս է ժողովուրդին եւ պետութեան՝ արտաքին քաղաքականութիւն, ներքին քաղաքականութիւն, ընկերային խնդիրներ, առողջապահական: Այսօր 300-400 հազար մարդ անգործ է, մարդիկ չեն կրնար իրենց ընտանքիներուն գործերը կարգաւորել: 3 ամիս ետք սով պիտի ըլլայ», - ըսած է Գագիկ Ծառուկեանը:
