24.28c
Երեվան
երկ, օգս 03
Ատրպէյճանի Զինուած ուժերը դարձեալ կը թիրախաւորեն Արցախի մայրաքաղաք՝ Ստեփանակերտն ու Շուշիի Ս. Ամենափրկիչ Ղազանչեցոց եկեղեցին: «Արմէնբրէս»-ի հետ զրոյցի ընթացքին, Արցախի Հանրային ռատիոյի տնօրէն՝ Անի Մինասեան նշեց, որ մայրաքաղաքի օդային տագնապի ազդանշանը այսօր առտուընէ չէ լռած:
«Այսօր առտուընէ իրար ետեւէ հարուածներ կը հասցնեն: Տագնապի ազդանշանի ձայնը չի լռեր: Քիչ առաջ նորէն հարուածեցին»,- ըսաւ Մինասեան:
Արցախի նախագահի Արտաքին հարցերով խորհրդական՝ Դաւիթ Պապայեան նշեց, որ առաւօտեան հարուածներէն ետք, հիմա դարձեալ թիրախաւորած են նաեւ Շուշիի Ղազանչեցոց եկեղեցին:
«Նորէն թիրախաւորած են Ղազանչեցոցը: Այս ուղղակի իրենց ոճն է, որովհետեւ ասիկա ցեղասպան քաղաքականութիւն է եւ մշակութային ցեղասպանութիւն է, որովհետեւ թիրախաւորել եկեղեցին, ոչ այլ ինչ է, քան հայոց արժեհամակարգը թիրախաւորել»,- նշեց Պապայեան:
