23.09c
Երեվան
շբթ, սպտ 12
Մեծի Տանն Կիլիկոյ Կաթողիկոսութեան կայքէջէն վերահասու կը դառնանք, թէ Ն.Ս.Օ.Տ.Տ. Արամ Ա. Վեհափառ Հայրապետը Մեծի Տանն Կիլիկիոյ Կաթողիկոսութիւնը օժտած է նոր Բաժանմունքով մը, որ կոչուեցաւ «Կրօնական եւ Դաստիարակչական Հրատարակութիւններու Բաժանմունք»:Վեհափառ Հօր պատուէրով, Բաժանմունքը պիտի հրատարակէ գրքոյկներ, որոնց նպատակը պիտի ըլլայ մեր ժողովուրդի կեանքէն ներս քրիստոնէական հաւատքի ու գիտելիքներու առաւել ամրապնդումը, եւ մեր ժողովուրդի զաւակներուն հոգեւոր ծարաւի յագեցումը: Կը հաղորդուի նաեւ, որ բաժանմունքը հրատարակած է իր առաջին գրքոյկը` «Ի՞նչ Կ'ըսեն Սուրբ Հայրերը Պահեցողութեան Մասին»: Սոյն գրքոյկը իր մէջ կ'ամփոփէ եկեղեցւոյ հայրերէն խօսքեր եւ կարճ խորհրդածութիւններ` նուիրուած պահեցողութեան:
