13.09c
Երեվան
ուրբ, ապր 26
Թուրքիոյ իշխանութիւնները Սուրիոյ սահմանին անվտանգութեան պատ կառուցելէ ետք, Հայաստանի եւ Իրանի սահմաններուն, նոյնպէս այս ծրագիրը կ’իրականացնեն: Այդ մասին կը գրէ թուրքական «ANFNews» լրատուական գործակալութիւնը:
Հայաստան- Թուրքիա եւ Թուրքիա-Իրան սահմանին Թուրքիան կը նախատեսէ կառուցուող պատին հետ միասին ներդնել նաեւ «անվտանգութեան համակարգ», որը շուրջօրեայ վերահսկողութիւն կ’ապահովէ նշեալ սահմաններուն վրայ:
Ըստ աղբիւրին սահմանները կը պարսպապատուին ահաբեկչութեան դէմ պայքարելու նպատակով:
Աղբիւրը կը յիշեցնէ, որ յունուարին 2017-ին, յայտնի դարձաւ, որ Թուրքիոյ պաշտպանութեան եւ ելեւմուտքի նախարարութիւններու համատեղ նախաձեռնութեամբ հայ-թրքական սահմանը կը պարսպապատուի Արտահան, Կարս եւ Իգդիր քաղաքներու կողմէ:
Որոշ ժամանակ անց, Եւրամիութեան (ԵՄ) եւ Թուրքիոյ համաֆինանսաւորմամբ ականազերծման աշխատանքեր սկսաւ Թուրքիոյ այն տարածքներու մէջ, որոնք սահմանակից են Հայաստանին, Ատրպէյճանին եւ Իրանին:
Ասոր վերաբերեալ, Թուրքիոյ գլխաւոր ընդդիմադիր «Ժողովրդահանրապետական կուսակցութեան» (CHP-ԺՀԿ) Իսթանպուլի պատգամաւոր Մահմուտ Թանալը հարցում ուղղած էր Պաշտպանութեան նախարար Ֆիքրի Ըշըքին: Վերջինս հաստատած էր, որ Թուրքիան կը պատրաստուի Հայաստանի եւ Իրանի հետ սահմանին անվտանգութեան պատ կառուցել:
Անվտանգութեան պատի կառուցման մասին որոշ տեղեկութիւններ յայտնած էր նաեւ Թուրքիոյ իշխանութիւններու մօտ կանգնած թուրք յայտնի սիւնակագիր Ապտուրքատիր Սելվին: Վերջինս «Hürriyet» պարբերականի համար գրած յօդուածի մէջ նշած էր.
«PKK-ն Թուրքիա-իրան սահմանին ռազմաճամբարներ ունի: Անոնք ներխուժելով Թուրքիա՝ գործողութիւններ կ’ իրականացնեն եւ ետ կը վերադառնան: Աղրը նահանգի մէջ ահաբեկիչներու դէմ մեր կողմէն իրականացուած գործողութիւններու ժամանակ, անոնք փախան դէպի այդ ռազմաճամբարները: Ի պատասխան՝ Աղրը-Իգդիր սահմանը կը փակենք 70կմ ունեցող պատով»:
