14.09c
Երեվան
շբթ, մյս 18
Սուրիոյ մէջ յառաջիկայ ապրիլին տեղի ունենալիք երեսփոխանական ընտրութիւններուն ՍԴՀԿ Հալէպի Վարիչ Մարմինը առաջադրած է Շահէ Մինասեանի թեկնածուութիւնը: Այս մասին «Արեւելք» տեղեկութիւն ստացաւ Հալէպի իր աղբիւրէն: Մեր աղբիւրը նաեւ նշեց, որ Շահէ Մինասեան անդամ է ՍԴՀԿ Հալէպի Վարիչ Մարմնին: Յիշեցնենք, որ տարբեր աղբիւրներ կը յայտնեն, որ յառաջիկայ ընտրութիւններուն Հալէպի հայկական աթոռներուն համար իրենց թեկնածուութիւնը առաջադրած են 10 այլ թեկնածուներ, սակայն մինչեւ այս պահը թեկնածուներուն ինքնութեան մասին պաշտօնական յայտարարութիւն չէ եղած: Այսպիսով Շահէ Մինասեանի անունը կը դառնայ առաջինը, որպէս յառաջիկայ ընտրութիւններուն ՍԴՀԿ-ն ներկայացնող թեկնածու:
