ՌԱԿ ներկայացուցիչ ընտրուած է Մայք Խարապեանը... Բարձրագոյն դատական խորհուրդի նախագահ Գագիկ Յարութիւնեանը հրաժարականի դիմում ներկայացուցած է... Արտակարգ դէպք Ճիլին գաւառակին մէջ. Ահաբեկիչները յարձակած են բանակի զօրակայանին վրայ... Արտօ Առաքելեանի յիշատակին. Գրեց ՝ Աւետիս Ռազմիկ...
Ժողովուրդը վերջին խօսքը ըսողն է, խաղի իրաւարարը
Ժողովուրդը վերջին խօսքը ըսողն է, խաղի իրաւարարը
15 Փետրուար 2019 , 10:54

Երեք օր տեւած քննարկումներէ ետք, երեկ խորհրդարանը ընդունեց կառավարութեան ծրագիրը։

Ընդդիմադիրները, ըլլան անոնք խորհրդարանական կամ խորհրդարանէն դուրս, քննադատեցին այս ծրագիրը եւ մատնանշեցին, իրենց կարծիքով, ծրագրի շարք մը թերութիւնները։ Անոնք՝ ընդդիմադիրները, պնդեցին, որ ծրագիրը խոստացուած տնտեսական յեղափոխութիւնը չի կրնար բերել, քանի որ թոյլ է եւ ոչ մէկ նորարար բան կայ անոր մէջ։ 
Կառավարութիւնը, իր խորհրդարանական մեծամասնութեան հետ, վարչապետ Նիկոլ Փաշինեանի գլխաւորութեամբ պաշտպանեց ծրագիրը եւ բուռն կերպով հակադարձեց քննադատութիւններուն, առարկելով, որ ընդդիմադիրներուն քննադատութիւնները անհիմն են եւ անտեղի։ Իսկ երրորդ կողմ մըն ալ զբաղեցաւ սովորական բամբասանքով եւ սուտեր տարածելով։ Փոխանակ կառավարութեան ծրագրի ուժեղ եւ թոյլ կողմերուն մասին բարձրաձայնելու, այս խումբը գրեց ու խօսեցաւ այս կամ պատգամաւորի գուլպայի տեսակին, այս կամ այն նախարարի կնոջ հագուստներուն, այս կամ այմ քաղաքական գործիչի կերած ճաշին, ներքնազգեստին եւ քշած ինքնաշարժին մասին։ 
Ոմանք կրակը նոր յայտնաբերած ըլլալու մեծամտութեամբ՝ դասեր տուին ասոր-անոր. բողոքեցին, որ մեծամասնութիւն կազմող դաշինքը չունի որակ, կամ՝ ընդդիմութիւնը կեղծ է եւ անմակարդակ։ Իրե՛նք են ամէնագիտուն եւ բանիմաց մարդիկը, մնացած հայերը շնորհակալ պէտք է ըլլան՝ իրենց պէս իմաստուն մարդոց գոյութեան համար ընդհանրապէս, եւ Հայաստանին ու հայութեան խրատ տալուն համար՝ մասնաւորաբար։

Տարօրինակ ոչինչ կայ այս բոլորին մէջ։
Սա պարզապէս ժողովրդավարութեան խաղն է։ Կողմերը պիտի փորձեն փաստել, որ իրենք ճիշդ են, դիմացինը՝ սխալ։ Ընդդիմադիրները պիտի խօսին ձախողած կառավարութեան մասին, դիմադիրներն ալ պիտի աշխատին դրական արդիւնքներով չկորսնցնել ժողովուրդին վստահութիւնը։ Խաղը այսպէս է, եւ վերջաւորութեան՝ ժողովուրդն է վերջին իրաւարարը եւ ժողովուրդն է, որ պիտի ընտրէ յաղթող կողմը։ Պիտի ընտրէ յաջորդ ընտրութիւններուն, ազատ եւ արդար քուէով։

Մենք արդէն ականատեսը կ՚ըլլանք քայլ առ քայլ ժողովրդավարական խաղի կանոններով առաջնորդուող քաղաքական մշակոյթի մը գոյառման։ Կը մնայ, որ բոլոր կողմերը յարգեն խաղի այդ կանոնները եւ քաղաքացիի վստահութեան քուէն, քաղաքացիի ընտրութիւնը համարեն գերագոյն արժէք։

Իշխանութիւնները պէտք է աշխատանքով փաստեն, թէ տէրն են իրենց խոստումին, իսկ ընդդիմադիրներն ալ պէտք է ցոյց տան, թէ ուր թերացած եւ ուր ձախողած է կառավարութիւնը։
Ատկէ ետք, ժողովուրդն է, որ պիտի որոշէ ո՞վ է ճիշդը եւ իր վստահութեան քուէով պիտի ընտրէ յաղթող կողմը։

Ուրեմն բարի երթ մեր երկրին։ Կառավարութեան կը մաղթենք արդիւնաւէտ աշխատանք։ Ընդդիմադիրներէն կ՚ակնկալենք աչալուրջ վերահսկողութիւն եւ սխալներու մատնանշում եւ քննադատութիւն։ Իսկ բամբասողներէն եւ ստապատիր լուրեր տարածողներէն կ՚ակնկալենք... Չէ՛, այս մարդոցմէ բան պէտք չէ ակնկալել: Անոնք այլ բան ընել չեն գիտեր։ Ժամանակին փարազիթ կ՚ըսէին ասոնց։ Փարազիթներէն լաւ բան մի՛ սպասեք։ Ինչպէս որ ժամանակին ըսուած է՝ մեծ միտքերը գաղափարներ կ’արծարծեն, միջակները՝ դէպքերու մասին կը խօսին, իսկ փոքրերը՝ բամբասանքով կը զբաղին...

Րաֆֆի Տուտագլեան

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture