Զելենսքին Ուքրանիոյ վերջի՞ն նախագահ

Զելենսքին Ուքրանիոյ վերջի՞ն նախագահ

Քրեմլի խօսնակ Տմիթրի Փեսքով մերժած է մեկնաբանել Ռուսիոյ լիպերալ-դեմոկրատական կուսակցութեան նախկին ղեկավար Վլատիմիր Ժիրինովսքիի «մարգարէութիւնը» Ուքրանիոյ փլուզման վերաբերեալ:

Ռուսիոյ Դաշնութեան նախագահի մամուլի քարտուղարի խօսքով` նախ պէտք է սպասել, որ մարգարէութիւնը կա՛մ կատարուի, կա՛մ ոչ:

Լիպերալ-դեմոկրատական կուսակցութեան հանգուցեալ առաջնորդը յայտարարած էր, որ Վլատիմիր Զելենսքին պիտի դառնայ Ուքրանիոյ վերջին նախագահը:

«Մենք նման իրաւասութիւններ չունինք` մեկնաբանելու մարգարէութիւնները: Մենք կ'առաջարկենք սպասել, որ անոնք կա՛մ կատարուին, կա՛մ չկատարուին», ըսած է Փեսքով:

Յիշեցնենք, որ Ժիրինովսքին  մահէն առաջ յայտարարած էր, որ Ռուսիան Ուքրանիոյ մէջ յատուկ ռազմական գործողութիւն պիտի իրագործէ:

Բացի այդ, մէկ տարի առաջ Վլատիմիր Ժիրինովսքին կանխատեսած էր յատուկ գործողութեան մեկնարկի ժամկէտը` նշելով Փետրուար 22-ի առաւօտը: Նշենք, որ գործողութիւնը մեկնարկած է Փետրուար 24-ին: