18.09c
Երեվան
հնգ, սպտ 19
Ատրպէյճանի նախագահ Իլհամ Ալիեւ հեռախօսազրոյց ունեցած է Թուրքիոյ նախագահ Ռեճեպ Թայիպ Էրտողանի հետ եւ անոր տեղեկացուցած է նախօրէին Պրիւքսէլի մէջ Եւրոմիութեան խորհուրդի նախագահին եւ Հայաստանի վարչապետին հետ հանդիպման մասին:
Ալիեւ անդրադարձած է հանդիպման ընթացքին քննարկուած հարցերուն՝ Հայաստանի եւ Ատրպէյճանի միջեւ խաղաղութեան պայմանագրի նախապատրաստման հետ կապուած:
Ատրպէյճանի նախագահը ըսած է, որ դրական կը գնահատէ եռակողմ հանդիպման արդիւնքները: Ալիեւ նաեւ նշած է, որ կողմերը համաձայնութեան եկած են այսպէս կոչուած «Զանգեզուրի միջանցք»ի բացման շուրջ` ներառելով ե՛ւ երկաթուղիի, ե՛ւ մայրուղիի կառուցումը:
Էրտողան շնորհակալութիւն յայտնած է եռակողմ հանդիպման մասին տեղեկատուութեան համար եւ բարձր գնահատած է անով ձեռք բերուած դրական արդիւնքները:
