image
Հրատապ լուրեր:

Զախարովան դժգոհութիւն յայտնած է Հայաստանի մէջ ԵՄ դիտորդական առաքելութենէն

Զախարովան դժգոհութիւն յայտնած է Հայաստանի մէջ ԵՄ դիտորդական առաքելութենէն

Մոսկուան բացասական վերաբերմունք ունի ՀՀ-ի մէջ Եւրոպական Միութեան դիտորդական առաքելութեան ներկայութեան եւ բազմիցս նշած է ատոր առճակատողական էութիւնը. այս մասին ճեպազրոյցին յայտարարած է Ռուսիոյ Արտաքին գործոց նախարարութեան պաշտօնական ներկայացուցիչ Մարիա Զախարովան։

Ըստ անոր՝ սա իրականութեան մէջ կիսառազմական ներկայութիւն է հայկական տարածքին մէջ:

«Որեւէ տեղ ապացոյցներ փնտռելու կարիք չկայ, ամէն ինչ ակնյայտ է. այս առաքելութեան  հակառուսական, հակաատրպէյճանական, հակաիրանական նպատակաները երթալով աւելի ակնյայտ կը դառնան: Առաւել եւս, երբ ատոր սկսան միանալ ՆԱԹՕ-ի անդամ երկիրներ, բոլորին ամէն ինչ պարզ դարձաւ: Ռազմաքաղաքական իրավիճակի ապակայունացումէն եւ տարածաշրջանն աշխարհաքաղաքական մրցակցութեան դաշտի վերածելէն բացի Եւրոպական Միութեան նմանօրինակ նախաձեռնութիւններէն այլ բան սպասել չարժեր»,-ըսած է Զախարովան:

Ան վստահութիւն յայտնած է, որ Հարաւային Կովկասի մէջ առկայ բոլոր խնդիրները պէտք է եւ կրնան լուծուիլ միայն տարածաշրջանային պետութիւններու համատեղ ջանքերով՝ առանց արտաքին միջամտութեան եւ հաշուի առնելով տարածաշրջանային երկիրներու շահերը: