26.09c
Երեվան
երք, օգս 18
Ատրպէյճանը դրական արձագանգած է Հայաստանի եւ Ատրպէյճանի միջեւ սահմանազատման հարցերով յանձնաժողովներու հանդիպում կայացնելու՝ հայկական կողմի առաջարկին։ Այդ մասին լրագրողներու հետ ճեպազրոյցի ժամանակ ըսած է ՀՀ փոխվարչապետ Մհեր Գրիգորեանը:
«Այո՛, դրական պատասխան է, բայց հանդիպման վայրի, ժամի ու ամսաթուի մասով դեռ պայմանաւորուածութիւն չունենք, բայց ենթադրում եմ՝ մօտ ժամանակներում հանդիպում կ'ունենանք»,-ըսած է Գրիգորեան։
Յիշեցնենք, որ հայ-ատրպէյճանական սահմանին լարուածութիւն առաջացնող հարցերու քննարկման համար Հայաստանի փոխվարչապետ Մհեր Գրիգորեանը Հայաստանի ու Ատրպէյճանի միջեւ սահմանազատման հարցերով յանձնաժողովի հանդիպում կայացնելու առաջարկ ուղարկած էր Ատրպէյճանի փոխվարչապետ Շահին Մուսթաֆաեւին:
