22.09c
Երեվան
կրկ, մյս 10
Հայաստանը յայտնուած է Forbes-ի վարկանշային ցուցակին մէջ՝ որպէս 2023թ. զբօսաշրջային լաւագոյն ուղղութիւններէն մէկը։
«Հայաստանը գեղեցիկ երկիր է՝ հարուստ պատմութեամբ եւ մշակոյթով։ Այստեղ հիասքանչ բնանկարներ են՝ լեռներ, Սեւանայ լիճ, բազմաթիւ հնագոյն ճարտարապետական յուշարձաններ, ինչպիսին են Գառնիի տաճարը եւ Հաղպատի վանքը։ Անոնց մէկ մասը ԵՈւՆԵՍՔՕ-ի Ժառանգութեան ցուցակին մէջ է»,- գրած է Forbes-ը։
Բնութեան եւ հետիոտն զբօսանքի սիրահարները կրնան օգտուիլ 861 քիլոմեթր երկարութեամբ (535 մղոն) Անդրկովկասեան արահետէն, որ կ'անցնի Հայաստանով։
Երկիրը յայտնի է նաեւ իր համեղ խոհանոցով, ուր կ'օգտագործուին տարատեսակ թարմ խոտաբոյսեր եւ համեմունքներ։
«Եթէ համադամասէր էք, անպայման համտեսեցէք հայկական ընտիր ճաշատեսակները՝ խաշ (տաւարի եփած տոտիկներ), տոլմա (խաղողի թփով փաթթուած միս), մանթի եւ, ի հարկէ, տնական թթուներ»,- գրած է պարբերականը։
