20.37c
Երեվան
չրք, հնս 17
Այս օրերու մեր գործողութիւնները, նաեւ նախօրէի դէպքերը ապացուցեցին, որ մենք ճիշդ ուղիի վրայ ենք, այս մասին Ֆրանսայի հրապարակին վրայ հանրահաւաքի ժամանակ յայտարարեց ԱԺ փոխնախագահ Իշխան Սաղաթէլեանը:
Ան յիշեցուց, որ գացած են կառավարական շէնքէր, որպէսզի ճշդեն Արցախի վերաբերեալ Ֆրանսայի հրապարակին վրայ ընդդիմութեան ներկայացուցած յայտարարութեան շուրջ նախարարներուն դիրքորոշումը: Սակայն ոստիկանները արգելափակած էին կառավարական բոլոր շէնքերը եւ թոյլ չեն տուած, որ նախարարները հանդիպին պատգամաւորներուն հետ:
«Նիկոլը գերի է վերցրել նաեւ կառավարութեան անդամներին, որովհետեւ շատ դժուար է նայել ՀՀ քաղաքացիների աչքերին ու հիմնաւորել, որ Արցախը պէտք է մնայ Ատրպէյճանի կազմում: Դրա տակից որեւէ մէկը դուրս չի գալու: Մենք երկու օրուայ ընթացքում արել ենք մեր գործողութիւնները եւ շարունակելու ենք», ըսաւ ան:
Սաղաթէլեանը նաեւ ըսաւ, որ իրենց թոյլ չեն տուխծ նաեւ մտնել Երեւանի պետական համալսարան, ինչպէս նաեւ Տնտեսագիտական համալսարան:
Իշխանը Սաղաթէլեանը յաւելեց, որ իշխանութիւնը դեռ ժամանակ ունի խելքի գալու եւ մասնակցելու Յունիս 3-ին նախատեսուած ԱԺ արտահերթ նիստին, որու օրակարգին Արցախի վերաբերեալ ընդդիմութեան պատրաստած յայտարարութիւնն է: Ան նաեւ նշեց, որ բոլոր անոնք, որոնք չեն կիսեր Արցախի վերաբերեալ այդ յայտարարութեան դրոյթները, հայ ժողովուրդին հետ կապ չունին:
Խօսելով այսօրուայ ծրագրերուն մասին` Սաղաթէլեան տեղեկացուց, որ ժամը 13:00-ին տեղի պիտի ունենայ Հայաստանի շուրջ երեք տասնեակ կուսակցութիւններու հետ հանդիպում, որմէ յետոյ պարզ պիտի ըլլայ անոնց դիրքորոշումը ԱԺ արտահերթ նիստին ներկայացուած յայտարարութեան վերաբերեալ: Այս պահուն շուրջ 50-է աւելի հասարակական կազմակերպութիւններ ստորագրած են յայտարարութեան տակ:
Բացի անկէ, ընդդիմադիր պատգամաւորները հանդիպումներ պիտի ունենան Գրողներու միութեան, Գիտութիւններու ազգային ակադեմիայի, գիտա-կրթական, մշակութային տարբեր հաստատութիւններու ղեկավարների հետ` պարզելու անոնց դիրքորոշումը այս հարցին մէջ:
Նաեւ, Երեխաներու իրաւունքներու պաշտպանութեան միջազգային օրուան առթիւ ժամը 17:00-ին, Ֆրանսայի հրապարակէն տեղի պիտի ունենայ երթ, որուն պիտի մասնակցին կանայք եւ երեխաները:
