21.03c
Երեվան
երկ, հնս 29
Վրաստանի վարչապետ Իրաքլի Ղարիպաշվիլին աշխատանքային այցով ժամանած է Հայաստան։
Վրաստանի վարչապետը Երեւան է հայ–վրացական միջկառավարական յանձնաժողովի նիստին մասնակցելու նպատակով։
«Զուարթնոց» միջազգային օդակայանին մէջ վրացական պատուիրակութիւնը դիմաւորած է ՀՀ փոխվարչապետ Տիգրան Խաչատրեանը, Վրաստանի մէջ Հայաստանի դեսպան Աշոտ Սմբատեանը եւ Հայաստանի մէջ Վրաստանի գործերու ժամանակաւոր հաւատարմատար Իրաքլի Կվանչախաձէն։
Յիշեցնենք, որ 12-րդ հերթական նիստի կայացման մասին պայմանաւորուածութիւնը Հայաստանի եւ Վրաստանի ղեկավարներու միջեւ ձեռք բերուած է 2022 թուականի նոյեմբեր ամսուն։
Հայաստանի եւ Վրաստանի միջեւ տնտեսական համագործակցութեան միջկառավարական յանձնաժողովի 11-րդ նիստը տեղի ունեցած է 2021 թուականի դեկտեմբերին Թիֆլիսի մէջ։ Երեւանի մէջ նիստը վերջին անգամ կայացած է 2019 թուականին՝ գրեթէ 10 տարուան ընդմիջումէ ետք։
