-2.91c
Երեվան
չրք, դկտ 24
Թուրքիոյ արտաքին գործոց նախարար Մեւլութ Չավուշօղլուն խօսած է Պոսֆորի եւ Տարտանելի նեղուցները ռուսական ռազմանաւերուն համար փակելու Ուքրանիոյ պահանջին մասին:
Թուրքիոյ արտաքին գործոց նախարարը շեշտած է, որ Թուրքիան լիարժէք կը կիրառէ Պոսֆորի եւ Տարտանելի նեղուցներուն հետ կապուած Մոնթրոյի համաձայնագիրը եւ ներկայ իրավիճակին մէջ չի կարող արգիլել ռուսական ռազմանաւերուն անցքը նեղուցներով:
Չավուշօղլուն նշած է, որ Թուրքիան հակամարտութեան կողմ չէ, իսկ նոյնիսկ հակամարտութեան կողմ ըլլալու պարագային ալ պէտք է թոյլ տար ռուսական ռազմանաւերուն վերադառնալ իրենց նաւահանգիստները:
Թուրք նախարարը պնդած է, որ Թուրքիան կ'աջակցի Ուքրանիոյ տարածքային ամբողջականութեան պահպանման եւ ջանքեր կը գործադրէ, որպէսզի հակամարտութիւնը վայրկեան առաջ աւարտի:
