19.09c
Երեվան
հնգ, ապր 24
Լիբանանի նախագահ, Զօր. Ժոզեֆ Աուն ուղերձ յղած է Հայոց ցեղասպանութեան 110-րդ տարելիցի կապակցութեամբ։
«Արմէնփրէս»-ի հաղորդմամբ՝ Լիբանանի նախագահն իր ուղերձին մէջ ընդգծած է, որ Ցեղասպանութեան տարելիցի ոգեկոչումը սոսկ ցաւալի պատմական իրադարձութեան յիշատակ չէ, այլ արդարութեան, մարդու իրաւունքներու եւ մարդկային արժանապատւութեան հիմնարար արժէքներու վերահաստատում։
«Այդ յիշեցում է աշխարհին բռնութեան, ծայրայեղականութեան եւ մեկուսացման բոլոր ձեւերու դէմ կանգնելու կարեւորութեան մասին», -ըսած է Աունը:
Աուն վերահաստատած է Լիբանանի անսասան համերաշխութիւնը հայ ժողովուրդի հետ՝ այս սկզբունքները պահպանելու համար անոր խաղաղ պայքարին մէջ։ Ան նաեւ բարձր գնահատած է ծագումով հայ Լիբանանի քաղաքացիներու ներդրումը` ընդգծելով անոնց երկարամեայ եւ կառուցողական դերը Լիբանանի քաղաքական, տնտեսական, մշակութային եւ գեղարուեստական կեանքին մէջ:
«Անոնք միշտ եղած են Լիբանանի բազմազան եւ առատօրէն միահիւսուած ինքնութեան անբաժանելի մասը», - ըսած է Աունը:
Եզրափակելով իր յայտարարութիւնը նախագահն ըսած է. «Թող խաղաղութեամբ հանգչին Հայոց ցեղասպանութեան զոհերը, անարդարութեան ու թշնամաքի բոլոր զոհերը ողջ աշխարհի մէջ։ Թող Աստուած պահապան ըլլայ Լիբանանին եւ անոր ժողովուրդին բոլոր չարիքներէ»։
