1.09c
Երեվան
հնգ, փտր 12
Լիբանանի եւ մասնաւորապէս Պեքայի հայկական շրջանակներուն ծանօթ անուն հանդիսացող Նազարէթ Անտէքեան օրերս սրտի բաց գործողութեան մը ենթարկուած է։
Այս մասին «Արեւելք» իմացաւ Անտէքեանի հարազատներէն։
Մեր ունեցած տուեալներով Անտէքեան անակնկալ անհանգստութիւն մը ունեցած է, որուն հետեւանքով ալ եւ անսալով մասնագէտ բժիշկներու խորհուրդին ենթարկուած է սրտի բաց գործողութեան։
Գործողութիւնը տեղի ունեցած է «Ռըզք» հիւանդանոցէն ներս եւ պսակուած է ամբողջական յաջողութեամբ, իսկ Անտէքեան ներկայիս կը բոլորէ կազդուրման շրջան մը։
Յիշեցնենք, որ Նազարէթ Անտէքեան բաւական աշխոյժ գործունէութիւն կը ծաւալէ հասարակական-ազգային ոլորտին մէջ եւ ան անդամ է Այնճարի քաղաքապետական խորհուրդին (Անտէքեան Այնճար հայաւանի փոխ-քաղաքապետն է)։
Առողջութիւն կը մաղթենք Նազարէթ Անտէքեանին ու նոյնպէս մեր ողջոյնները կ՚ուղղարկենք մեր թերթի լաւ բարեկամ միջազգայնագէտ-քաղաքագէտ դոկտ. Սահակ Անտէքեանին։
